Септември годинава почна жестоко и со новости на политички план во Албанија, каде што некои ќе имаат среќа, а други ќе бидат под стрес од „рулетот“ на СПАК, пишуваат албанските медиуми на почетокот на новата политичка сезона, а косовските аналитичари фрлаат сомнеж во насока на мерките на ЕУ кон Косово, за кои велат дека може да бидат услов за формирање на Заедницата.
Ова се дел од темите од редакцискиот избор на ЦИВИЛ Медиа од албанските медиуми во регионот, за денешното издание на Ал – прес.
АЛБАНИЈА
Албеу: Жешката политичка есен, „лисиците“ на СПАК и “нон-грат(ите) на САД и Велика Британија
„Септември годинава почна жестоко и со новости на политички план во Албанија, каде што некои ќе имаат среќа, а други ќе бидат под стрес од „рулетот“ на СПАК.
Завесата на политичката сцена за оваа есен прв ја крена Љуљзим Баша, кој во саботата го свика Народното собрание каде го одобри новиот партиски статут, именуваше нови личности и ја „блиндираше“ својата политичка фотелја за наредните години.
Во меѓувреме, во понеделник, на 4 септември, премиерот Еди Рама, истовремено и лидер на Социјалистичката партија, го повика Собранието на СП, од каде се очекуваат многу важни одлуки за иднината на владата.
Истрагите на СПАК од една страна и прислушувањата на СКАЈ од друга страна целото лето ја ставија во движење машинеријата на Еди Рама, кој пред да падне првиот „лист“ од септември, веднаш ќе преземе мерки во владата, отстранувајќи ги министрите со „ дамка“, така што новата влада нема врска со „неминовната“.
Аналитичарите и политичките истражувачи во Албанија овој потег на Рама го гледаат како интелигентен „шаховски“ потег, за да покаже дека за шефот на владата одговорностите се индивидуални, а кој го „извалка прстот“ со тендери, или валкани пари. сега е сам пред правдата.“, се наведува меѓу другото во статија објавена во албанскиот медиум Албеу.
БалканВеб -Денеска почнува првата собраниска седница во Тирана, Бегај со порака до политичката класа: Дијалог! Вратете го Собранието во просторот на помирување
„Претседателот на Република Албанија, Бајрам Бегај, упати порака до Собранието на Република Албанија, по повод отворањето на парламентарната седница 2023-2024 година. Тој на пратениците им посака убав почеток на новата парламентарна седница, и изрази благодарност за работата и иницијативите на парламентот, во мнозинството или од опозицијата, и подвлекува дека со отворањето на оваа седница Албанија се соочува со предизвици за решавање на што Собранието има суштинска улога.“, пренесе БалканВеб.
КОСОВО
Зери: Аналитичарите фрлаат сомнеж, мерките на ЕУ кон Косово може да бидат услов за формирање на Асоцијацијата
Пред повеќе од два месеци Европската унија воведе казнени мерки против Република Косово, поради ситуацијата на северот на земјата. Овие мерки ЕУ ги оцени како одговор на Владата за непостапување во ескалацијата на состојбите во тој дел од Републиката. Сепак, дури и сега кога Косово ги исполни речиси сите барања на ЕУ за ова прашање, казнените мерки продолжуваат да се во сила. Според овие мерки, на 14 септември во Брисел ќе се сретнат премиерот на Република Албин Курти и претседателот на Србија Александар Вучиќ.
Рестартирањето на овој процес во оваа ситуација за Косово, според политичкиот аналитичар Дорајет Имери, е бесмислено, пишува во статија во косовскиот дневник Зери.
Коха: Тачи од Хаг е ослободен за посета на татко му во Косово
Специјалниот суд во Хаг одлучи поранешниот претседател Хашим Тачи да добие привремено ослободување за да го посети својот татко на Косово, поради неговата тешка здравствена состојба.
Како што потврди Судот во Хаг, одлуката е донесена од „хуманитарни причини“.
„Од хуманитарни причини, судството му наложи на Секретаријатот да раководи со посетата на Косово во притвор, за средбата на Хашим Тачи со неговото семејство. Обвинетиот останува во притвор и под надзор на Специјализираните совети“, се наведува во соопштението на Специјалното обвинителство за Коха.
Клан Косова: Три лица илегално ја преминале границата од Србија кон Косово
Во Лепосавиќ запрен е автомобилот со регистарска табличка на Србија, во кој имало три лица за кои постои сомневање дека илегално ја преминале границата од Србија кон Косово.
Од полицијата информираат дека со решение на обвинител случајот се води во редовна истражна постапка, пренесува КланКосова.
„Запрен е автомобил со српски регистарски таблички, во кој имало три лица за кои постои сомневање дека илегално ја преминале границата од Србија кон Република Косово. Со решение на обвинителот, осомничениот, случајот се постапува во редовна истражна постапка“, се вели во полицискиот извештај.
КОЛУМНА
Јава Њуз: Наци-фашизам, колаборационизам и ревизија на историјата „во име на антикомунизмот“
„Како и во другите земји од поранешниот источен блок, така и во Албанија, во периодот на социјализмот, историографијата беше диктирана од страна на Партијата-држава, како во нејзините толкувања, така и во однос на користењето на архивските извори. Покрај ограничувањата за пристап до локалните архиви, каде што беше потребна посебна дозвола за користење на одредени архивски фондови, како оној на Лабуристичката партија, за изработка на одредени студиски теми, особено за периодот на антифашистичката НОБ, најголем проблем за истражувачите беше и неможноста да се споредат локални извори со странски, бидејќи беше многу тешко, ако не и невозможно, да се користат странски архиви.“, пишува авторот проф. Д-р Маренглен Касми, во колумната „Наци-фашизам, колаборационизам и ревизија на историјата „во име на антикомунизмот“ објавена во Јава Њуз.
Д. Тахири
