ВЕСТ НА ДЕНОТ
Советот на јавни обвинители застана зад Коцевски, донесе негативно мислење по предлогот на Владата за негово разрешување
Советот на јавни обвинители донесе негативно мислење по предлогот за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.
ИЗЈАВА НА ДЕНОТ
Трендафилов: Не сме тука да ја рушиме Владата, туку да ги зголемиме платите
„Денеска сме тука да ви упатиме последна порака – не може да се одлучува за нас, без нас. ССМ пред две години организираше генерален штрајк во цеиот јавен сектор. На чекор сме до генерален штрајк во целата држава. Денеска бараме од вас да бидете луѓе онака како што сме ве избрале. Да не се однесувате кон работникот, како кон луѓе од трета категорија и да бидете на ниво на задачата. Денеска сме тука пред Владата како најголем работодавач да побараме да се почитуваат колективните договори и да се зголемат платите во јавниот сектор, рече претседателот на ССМ, Слободан Трендафилов.
РЕГИОН
Здружение за заштита на потрошувачи во Србија повикува на месечен бојкот на трговски синџир
Српското здружение за заштита на потрошувачите „Ефектива“ повика на нов бојкот на трговскиот синџир Макси во текот на целиот април, протестирајќи против високите цени на храната. Од „Ефектива“ повикаа граѓаните да не купуваат од Макси, наведувајќи дека доколку тој синџир ги намали цените, ќе мораат да следат и другите трговци.
СВЕТ
Покрената нова истрага против Ле Пен, овој пат за закани кон судии
Француските власти покренаа нова истрага против Марин Ле Пен, лидерката на десничарската партија Национален собир, која. Овој пат Ле Пен е осомничена за „закани кон судии“, пренесоа француските медиуми, повикувајќи се на судски извор.
АЛ-ПРЕС
Редакциски избор од албански медиуми: Убиен косовски полицаец; Курти ги започна разговорите со малцинствата за нова влада; ОБСЕ-ОДИХР ја започна мисијата на изборно набљудување во Албанија
ПРАШАЊЕ НА ДЕНОТ: Што мислите за односот на власта кон минималецот и стандардот на граѓаните?
Подготви: Б. Јордановска
