Високиот претставник на ЕУ, Жозеп Борел изјави дека на средбите што ги имал во четвртокот со премиерот на Косово, Албин Курти и со претседателот на Србија, Александар Вучиќ, било договорено да има предвремени избори во четирите северни општини во Косово, а во северна Митровица синоќа повторно имаше експлозии, јавуваат косовските медиуми.
Во продолжение се темите од изборот на редакцијата на ЦИВИЛ Медиа од албанските медиуми во регионот, за денешното издание на АЛ – ПРЕС.
КОСОВО
Бота Сот: Предвремени избори и ослободување на тројца полицајци, што порачаа лидерите вчера по средбите во Брисел
Косовскиот премиер Албин Курти по средбата во Брисел изрази подготвеност да распише предвремени локални избори во Косово, но „во согласност со правната рамка на земјата“.
„Разбираме дека има потреба од предвремени избори во четирите општини на север, со процес на кој му претходи владеење на правото, отворена и фер кампања и слободни и демократски избори. Не можам да кажам дека ситуацијата е безбедна поради билатералните средби и имаме стабилен мир, но од оптимизмот на медијаторот можам да кажам дека има знаци дека деновите што следат ќе бидат подобри од оние што ги оставивме зад нас. “, рече Курти, пренесува Бота Сот.
Високиот претставник на ЕУ, Жозеп Борел изјави дека на средбите што ги имал во четвртокот со премиерот на Косово, Албин Курти и со претседателот на Србија, Александар Вучиќ, било договорено да има предвремени избори во четирите северни општини во Косово.
РТВ 21: Повторно експлозии во северна Митровица
„Косовската полиција потврди дека во доцните вечерни часови на 22 јуни се случиле две експлозии во Северна Митровица. Од овие експлозии нема повредени.“, пренесе РТВ21.
Газета Експрес: Србите во Грачаница и денеска протестираат за поддршка на осомничениот за воени злосторства
„Денеска напладне во Грачаница ќе се одржи трет по ред протест, како што се тврди „поради апсењето на Драгиша Миленковиќ од Кишница“, кој е осомничен дека извршил воени злосторства над затворениците во притворот во Липјан пред војна во Косово..
Во исто време, граѓаните на Грачаница и неговата околина им даваат поддршка на сите Срби од северно Косово кои се уапсени поради хулиганство и напади врз новинари во Лепосавиќ.“, пренесе Газета Експрес.
Балкан Веб – Британската пратеничка му одговори на амбасадорот Хил: Србија има договор со Русија и приведе тројца косовски полицајци
Пратеничката во Парламентот на Велика Британија, Алиша Кернс, му одговори на американскиот амбасадор во Србија, Кристофер Хил, откако ја одржа обуката на американските сили со оние на Србија, наречена „Platinum Wolf”.
„Подобро „Платинест волк“, заедничка вежба со земја која потпиша договори за надворешна политика со Русија како продолжение на незаконскиот распад на Украина и во моментов незаконски приведува тројца косовски полицајци“, напиша Кернс, пренесе Балкан Веб.
АЛБАНИЈА
Леѕо: Контрола во кампот на МЕК, Обвинителството сослушува 10 муџахедини, бара да ги заплени камерите во кампот
„Десет ирански муџахедини беа сослушани во Обвинителството во Драч како сведоци за настанот што се случи утрото во вторник, на 20 јуни, во кампот на МЕК во Манез, Драч.
Иранците вчера беа испрашувани за тврдењата дека полицијата употребила насилство врз нив и дека тие се одговорни за загубата на животот на еден член во кампот.
Извори од обвинителството велат дека и при вчерашното сведочење останале на истиот став.“, пренесе албанскиот медиум Леѕо.
КОЛУМНА
Коха: Дали Америка сè уште е „џандарот на светот“?
„Единствениот логичен заклучок е американските бизниси да ја напуштат Кина, не само за да се елиминираат ризиците, туку и да се оттргнат од зависноста од Пекинг. Но, проблемот за европските и азиските сојузници на Америка е тоа што е многу тешко да се направи разграничување од Кина. Само помислете на огромните инвестиции што ги направија европските производители на автомобили во кинеските фабрики за електрични автомобили. Американското раководство навистина би било добра идеја. Но, патувањето во Европа ја поткопува вербата во неа“, пишува во статија од Блумберг, преведена на албански јазик и пренесена во косовскиот дневник Коха.
Д. Тахири
