• Latest
Добро утро со Орданоски

Резултатот е тесен, но победата е убедлива

April 12, 2018

📅 САД-Иран-Израел, од преговори до бомбардирање: Хронологија на настаните, 12 април – 22 јуни

June 22, 2025

Трамп: Фордо го нема – од „прозорец за дипломатијата“ до бомбардирање – за 48 часа

June 22, 2025

„Марш за ангелите“ во Кочани – родителите на починатите деца побараа одговори од МВР, УЈП и од Обвинителството

June 21, 2025
Фото: Скриншот од видео на 
BFBS Forces News

Американски бомбардери Б-2 полетаа од американска база и се движат кон запад над Тихиот Океан

June 21, 2025

„Ограничена мобилност“ – уметничка акција што ги открива секојдневните предизвици на лицата со попреченост во Скопје

June 21, 2025
Hungry child in Gaza - Image by Anadolu Agency

УНИЦЕФ: Кризата со горивото ја продлабочува секојдневната борба за семејствата, доколку не се прекине блокадата на горивата во Газа, децата ќе умираат од жед

June 21, 2025
Бранко Тричковски

Во оклопот на вмро, Македонците се желки на трката во Спа Франкоршамп

June 21, 2025

Турските влечни хаубици БОРАН испорачани во Македонија

June 21, 2025

Седум новинари осудени во најновата шокантна акција против слободата на говорот во Азербејџан; Амнести интернешнл ја повика меѓународната заедница да извршои притисок врз азербејџанските власти

June 21, 2025

САД го зголемува воздушното присуство околу Блискиот Исток како припрема за евентуално вклучување во израелско-иранскиот конфликт

June 21, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Резултатот е тесен, но победата е убедлива

April 12, 2018 08:00
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

Пишува: Сашо Орданоски

[dropcap]Б[/dropcap]идна и тоа, се преброивме: 62 пратеници против распуштањето на Владата, 40 за изгласување недоверба, плус нешто отсутни и воздржани.

Тесно е ова мнозинство за Влада со амбициозна реформска агенда. Но, уште е поскромен скорот на опозицијата чии истакнати парламентарци сакаат да раскажуваат наоколу дека, еве, само што не се вратиле на власт. Затоа, резултатов упатува на заклучок дека работите, во догледна иднина, ќе продолжат да си течат според проекциите на власта: додека во Собранието ќе се гласаат закони со и без европски знаменца, а министрите (наскоро реконструирани) и премиерот ќе го зголемат обемот на присутност во јавноста по разни поводи, македонската опозиција главно ќе се занимава со два генерални процеси – судски, проследени со кенкави изјави дека обвинетите се жртви на политички прогон; и оние за зацврстување на власта на Мицкоски во партијата ВМРО-ДПМНЕ.

Паралелно, Села ќе продолжи да мрчи со својата 19-вековна националистичка реторика, додека ДУИ удобно ќе се ниша во власта меѓу привлечноста на пленот и ризикот за големината на поединечните порции при неговата поделба. Човек понекогаш да помисли дека пленот е единственото нешто што ја држи партиската формација на ДУИ заедно – со исклучок кога заради него се убиваат. Просто е неверојатна дискрепанцата на интелектуалниот и професионалниот квалитет, па и бројност, со кој располага „кремот“ на албанската заедница во Македонија и концентрацијата на морално-политички и кадровски неквалитет во ДУИ.

Но, скромноста на бројката од 40-те гласа на опозицијата се и политички аргумент на власта за посамоуверено напредување во разговорите околу проблемот на Грција со нашето име, како и за генералната евро-атлантска агенда на власта. Впечаток е дека тие 40 опозициони гласови во догледна иднина можат да одат само во натамошно осипување, тешко во насока на окрупнување.

Заев не доби којзнае каков комотен маневарски простор после ова преживеано гласање за довербата во него и во неговиот владин Кабинет, но нему мора да му се признае дека и овој резултат ја илустрира неговата ретка сорта, како претставник на еден несекојдневен, ендемски вид во македонската политика: стрпливо, чекор по чекор, со многу такт и отпорност на разновидни политички непогоди, тој во последните три-четири години упорно напредува во остварување на своите цели, процес започнат од речиси безнадежната состојба на длабоко потоната и прогонета опозиција, до тотален пресврт, кога неговата денешна агенда ја диктира насоката на внатрешната и надворешната политика на земјата. По пат, политички го предводеше развластувањето на Фамилијата и нејзиното „паркирање“ во судниците на Скопска Единица, што не може да е резултат само на луда среќа или на странски храбрења и потпомагања (кои, патем, исто така треба вешто да се одработат). Има во тоа една „заевистичка“, победничка супстанца којашто го држи на површината како што рибарската тапа испливува над вода, иако мамецот под површината може да го грицкаат разни сомови и штуки.

Но, едно е гласање на доверба во Собранието, а друго е гласање на доверба во јавноста. На трибините пред кои игра тимот на Заев гласни се свирежите и пцостите. Нема таа публика нерви и време да чека гол во 93 минута, од пенал. Сака офанзива, атракција и реализација во регуларниот тек од натпреварот!

 


Услови за користење, авторски права и заштита на приватноста 

Преземање на содржините под различни услови од наведените не е дозволено, освен со писмена дозвола од ЦИВИЛ.

Print Friendly, PDF & Email
Tags: владаВМРО-ДПМНЕдовербаДУИЗаевМицкоскипарламентСДСМ
Share149Tweet21Send

НАЈЧИТАНИ 5

  • Фото: Принтскрин од емисијата „Бизнис 21“ на ТВ21

    Славески: Мизерно е да ме прашувате за мојата плата од 3.000 евра, никој не ме прашува за гладувањето во САД додека студирав

    512 shares
    Share 205 Tweet 128
  • Кога премиерот те тужи, тоа не е лична пресметка, туку политички притисок!

    94 shares
    Share 38 Tweet 24
  • Во оклопот на вмро, Македонците се желки на трката во Спа Франкоршамп

    91 shares
    Share 36 Tweet 23
  • Лаги

    91 shares
    Share 36 Tweet 23
  • Напад со „валкана бомба“: Можен следен потег на Иран против Израел

    91 shares
    Share 36 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ