ВЕСТ НА ДЕНОТ
Атентат врз словачкиот премиер
Премиерот на Словачка Роберт Фицо денеска е застрелан во Хандлова каде се одржуваше седницата на Владата. Според првичнитете информации, Фицо по седницата излегол пред Домот на културата каде ги поздравувал луѓето и во тој момент се слушнале истрели. Неговото обезбедување веднаш го пренело во болница…
ИЗЈАВА НА ДЕНОТ
Муратов: Дезинформациите доаѓаат на емотивно ниво, затоа се успешни
„Во принцип дезинформациите и трол фабриките работат на емотивно ниво. Те фаќаат на емоции. Друго е кога ќе прикажам фотографија од дете што плаче, не јаде и кажам дека тоа е поради одредена политичка структура. Кога имаш такви моменти и емоции ја забораваш вистината“ рече уредникот на Цивил Медиа, Дехран Муратов во утринската програма на „Слободен печат“. „Најлоша е полувистината во целото море на дезинформации“
ФЛЕШ ВЕСТИ
СМРТНИ ЗАКАНИ ЗА КАЦАРСКА Претседателката на Уставен суд Добрила Кацарска пријавила во полиција дека добила закани по својот живот откако пред нејзината гаража пронашла импровизиран кревет и нож.
ЗАКОН ЗА ПЛАТИ НА СУДИИТЕ Оспорените одредби на Законот за платите на судиите и на Законот за платите на членовите на Судскиот совет за намалување на коефициентот за утврдување на платите …
ЖАЛБИ ДО УПРАВЕН СУД По одлуките на ДИК за приговорите за изборните резултати, дел од коалициите најавија жалби до Управниот суд.
СЛУЧАЈ „МОНСТРУМ“ Адвокатите на осудените во случајот „Монструм“ известија дека неделава поднеле вкупно три жалби до Судот во Стразбур, …
МАКЕДОНСКАТА ВЛАДА НАЈОТВОРЕНА ВО РЕГИОНОТ Владата на Северна Македонија со исполнети 79.14% е најотворена во регионот според Индексот на отвореност…
ВОЈНА ВО УКРАИНА
Украина ги одби обидите на Русија да ги пробие одбранбените линии на исток, украинските сили ги вратија загубените позиции во секторот Купијанск, во тек се борби во Лукјанци, Вовчанск…
Повеќе од 1.887 деца се повредени во Украина како резултат на целосната вооружена агресија на Русија. Од утрото на 15 мај 2024 година, според официјалните информации на обвинителите за малолетници,..
КОНФЛИКТИ
Речиси 450.000 луѓе кои избегаа од Рафах во текот на минатата недела немаат засолниште, вода и тоалети, според главната агенција на ОН за помош во Газа (UNRWA)…
СВЕТ
Нова Каледонија Стотици луѓе, вклучувајќи околу 100 полицајци и жандарми се повредени во немирите во Нова Каледонија…
Обединетите Нации Седницата на Генералното собрание на ОН на која ќе се разгледува резолуцијата за Сребреница е закажана за 23 мај, објавено е на веб-страницата на Генералното собрание на ОН…
ГОВОР НА ОМРАЗА
Д-р Беќаровски обвинет дека сака „чиста Токсикологија без Ш*****и, од Клиниката демантираат
Министерството за здравство објави документ, односно изјава во кој се наведува дека проф. д-р Нико Беќаровски ги навредил вработените Албанци во Клиниката за Токсикологија.
„Ако сакате војна ќе ја добиете и тоа нуклеарна бомба. Во понеделник после дежурство сакам Интензивна нега да биде чиста без Шиптари.… Додека бевме во времето на Тито, Македонија си беше убаво место за живеење, па после се симнаа овие од планина и се измеша целата држава.… Да не ве слушнам да зборите албански, бидејќи ова е држава на Македонците и тука се зборува на македонски јазик“, со овие зборови наводно им се обраќал д-р Беќаровски, стои во документот објавен на Фејсбук страницата МЗ.
ПРОПАГАНДА
Ова секако не им се допадна на властите во Кремљ, кои очигледно исфрустрирани поради неуспехот да го валоризираат забавувањето на американската воена помош за Украина, преку своите пропагандни канали се обидоа да фрлат темно петно на гитарскиот настап на Блинкен во Кијив, вклучително и преку нивните филијали во Северна Македонија. Се разбира, докажаните пропагатори на руските малициозни наративи во земјава не пропуштија да ги пренесат изјавите на нивната неформална „шефица“ за ширење на руска пропаганда, Захарова, која деновиве како да не се симнува од страниците на овие медиуми, било да се работи за банални прашања, како нејзиното „анатемисување“ на Евровизија, преку правдање за бојкотот на парадата на победата во Москва, до нејзините лажни дисквалификации на перформансот на Блинкен во Кијив… пишува Драган Мишев
ИНТЕРВЈУ
Гости на Слободна Телевизија на Слободен печат во ко-продукција со ЦИВИЛ, беа уредниците на ЦИВИЛ Медиа, Драган Мишев и Дехран Муратов. Повод на гостувањето беше тоа што ЦИВИЛ скоро четврт век, со својот иделаизам од невозможното прави возможно во полето на човекот, на единката, на индивидуата. Тимот на Организацијата е борецот за континуитет, слобода, еднаквост, мултикултура …
Мишев: Иако Македонија забрани руски мрежи, дезинформациите доаѓаат преку српските медиуми
„Македонија како дел од западната алијанса ги забрани РТ, Спутник и слични руски мрежи во Македонија, но ефектот од тоа е 0, бидејќи македонските медиуми комотно ги пренесуваат овие руски медиуми. Не дирекно, доаѓаат информациите преку македонски медиум кој пренесува вест од Тасс, некритички, како што е пратена“ рече уредникот во Цивил Медиа, Драган Мишев во утринската програма на „Слободен печат“.
Подготви: Д. Мишев
