Прв брифинг на новиот лидер на СДСМ, Филипче: Блупринт на социјалдемократијата, Владата не покажува волја за ЕУ интеграции, непотребно ја задолжува земјата

Во седиштето на партија, новиот лидер на СДСМ, проф. д-р Венко Филипче, го одржа првиот брифинг со медиуми истакнувајќи ги главните определби на партијата и новата партиска стратегија, продолжувајќи о оценката на досегашното работење на Владата предводена од ВМРО-ДПМНЕ.

„Започнуваме подготовка на целосно нова стратегија и таканаречен „Блупринт за социјадемократија“ Овој документ ќе биде новата идеолошка и политичка стратегија за ребрендирање и модернизација на СДСМ. Со него ќе направиме реафирмација на социјадемократските вредности прилагодени на новото време земајќи ги предвид секако новите политики коишто ќе ги презентираме на еден инклузивен начин, со широка платформа во којашто беа вклучени многу фактори што ги делат нашите вредности“, истакна Филипче.

Фокусот на брифингот Фиипче го насочи кон ребалансот на Буџетот, заемот од Унгарија и Кривичниот законик. Кореспондирајќи со претходното соопштение на СДСМ за 30 дена Мицкоски, 30 дена лоши политики“, тој ги прогласи за негативни и понижувачки политиките за недела да биде работен ден и суспендирање на политиката за постепено покачување на платите.

Во однос на платите кои зависат од ребалансот на буџетот, кој денеска е на општа дискусија во собраниската Комисија за финансирање, Филипче рече дека се поднесени амандмани, како чекор што СДСМ го презема за ревидирање на ребалансот на Буџетот.

„ВМРО-ДПМНЕ не предвидува покачување на платите практично во ниту еден сектор, ниту во образованието, ниту во здравството, ниту за полицијата, ниту за Армијата, а не се почитуваат ниту обврските од општиот колективен договор и нема да има зголемување ниту на минималната плата на 450 евра, како што бараа синдикатите. Ќе се покачуваат плати само по потреба и за поткуп, не постојано и систематски. Ова многу силно ќе им се удри од глава“ изјави Филипче.

Вториот фокус, заемот од 500 милиони евра од Унгарија, Филипче го оцени, рво како нелогичен, со оглед дека Унгарија е и самата задолжена, а дава пари во заем со помала камата. Филипче побара да се разјасни потеклото на тие пари и да го даде Законот што е можно побргу на Собрание.

„Зошто посегнуваме по билатерален договор за првпат во историјата на земјата, зошто не прибегнеме кон меѓународни инструменти кои традиционално ни биле на располагање, кои имаат и контролни механизми за начинот на трошење на пари. Овде таков контролен механизам не гледаме“, вели Филипче.

Во однос на евроинтеграции проценката е дека ВМРО-ДПМНЕ за 30 дена не врати 10 години назад во тој поглед,

„Како со временска машина ВМРО-ДПМНЕ реши да ги уназади сите процеси и напредокот во меѓународната политика. Отворивме проблем со Грција кој беше целосно затворен. Сега ВМРО-ДПМНЕ вели дека ќе го решавало по судски пат. Ние 20 години тоа се обидувавме да го направиме и не успеавме дури и со пресуди во наша корист. Нема иницијатива со Бугарија, а имаше само еден последен чекор да се направи“, истакна Филипче.

Филипче призна дека згрешиле со измените на Кривичниот законик и дека нивните денешни предлози и признавање доаѓа од реакциите на јавноста и на граѓаните.

„Мораме да бидеме искрени и да признаеме дека згрешивме со измените на Кривичниот законик. Има изготвен нов Кривичен законик во 2017, под министерката Рената Дескоска, апелирам Владата да го стави на јавна расправа и заедно со консензус да донесеме, еден нов, како што доликува Кривичен законик.  Не е доволно да кажеме дека сме направиле грешка, одиме чекор напред да направиме повеќе“, истакна Филипче.

Претходно во соопштение, СДСМ меѓу 30-те лоши политики ги наброја и :  4-те нови министерства, МВР  решава едно  убиство во шест месеци, а криминалот цвета по улиците, да постави заменик министер на МВР со физичко образование, нема реакција за покачување на лебот, покачување на струјата, а нема реакции, прифаќање на Бехтел и Енка, нешто за што пред да дојдат на власт гледаа како на најкриминален проект…

На листата се и патувањето на синот на Мицкоски во САД, за време на присуството на премиерот на Самитот на НАТО, за неговата болка во колената и возењето во бизнис класа, некористењето на името на државата во обраќањата на премиерот.