Фердинанд Никола е експерт за мир и безбедност од Приштина, поранешен политички советник на Министерот за внатрешни работи на Република Косово. Моментално, Фердинанд го води Институтот за мир и безбедност (ИПС) во Приштина.
Зборуваме за состојбата во Звечани, Косово, каде што во неделата, 24 септември, вооружена група на српски ектремисти размени силен оган со косовската специјална полиција. Еден полицаец беше убиен и тројца ранети, тројца напаѓачи беа убиени и околу десетина уапсени.
Во овој извадок ви го пренесуваме неговото мислење за можната вмешаност на платеничката група Вагнер во инцидентот.
ЦИВИЛ МЕДИА: Што знаеме досега за вмешаноста на групата Вагнер во Косово воопто, или во вчерашниот инцидент?
ФЕРДИНАНД НИКОЛА: Важно е да се истакне дека северот на Косово, северните општини, секогаш биле засолниште за криминални банди и терористички групи. Знаете, косовската влада ја прогласи Национална заштита за терористичка организација оваа година. А постојат и чекори за да се осигура суверенитетот и контролата во северниот дел.
Но, создавање на безбедна и сигурна средина за граѓаните – и ова, мислам дека беше проблем со години, за групите, сите групи и криминалните групи инволвирани во организиран криминал, во корупција – да прифатат таков пристап од косовската влада и косовските институции. Тука продолжува да расте тензијата.
Што се однесува до Вагнер, знаеме дека полицијата уби тројца и уапси шестмина од вооружените лица. Треба да видиме што ќе покажат истрагите за конкретното прашање што го поставивте и дали има вмешаност на групата Вагнер или на поддржувачите на Вагнер или платениците.
Тоа што го знаеме сигурно е дека операцијата имаше многу карактеристики на тоа како дејствуваат платеничките групи, една од нив и Вагнер. Значи, ова го знаеме, но, за информации ќе треба да почекаме малку за да можеме да зборуваме поточно за потенцијалната вмешаност на терористичка група Вагнер во овој конкретен случај.
Интервјуто го водеше Џабир Дерала
Камера, видео монтажа: Ариан Мехмети
Транскрипт и превод: Наташа Цветковска
