На денешната прес конференција на ОДИХР во врска со оценките за вториот круг на Локалните избори, Тана де Зулуета, која ја предводи Набљудувчката мисија на ОДИХР за изборите, на прашање на ЦИВИЛ за нивниот став за пријавите за црна кампања пред изборите и за време на изборниот ден, како и кои мерки треба да бидат преземени од страна на институциите, одговори:
-Во врска со негативната реторика , конкретно, личните напади кон одредени кандидати, и тоа честопати жени, но и подиректно, , што се случи на социјалните медиуми и по непосредно, во јавните говори , коко што забележавте, ние сме против тоа, сметаме дека се коси со најдобрите практики, на тој начин не се добива клима во која кандидатите можат да кажат јасно кои се нивните ставови, исто така на гласачите им се оневозможува да го определат своето мислење и станува како гладијаторски ринг.
-Во поглед со преземање мерки, постојат начини за обештетување ако се преминат одредени граници во поглед на клевета, така што сметам дека треба да биде јасно дека граѓаните, кандидатите и другите лица кои сметаат дека се мета на ваквите напади, треба да имаат вистинска можност да бидат обештетени.
Запрашана за коментар за одлуката на Премиерот Заев да поднесе оставка непосредно по завршувањето на вториот изборен круг, Де Зулуета истакна дека тие не ги коментираат одлуките на политичките чинители, туку се тука да го набљудуваат и коментираат изборниот процес, но не и резултатите.
Д.Мишев
