ВЕСТ НА ДЕНОТ
Традиционалниот Марш на црвените чадори: Сексуалните работнички бараат хуман и еднаков третман од државата
Сексуалните работнички денеска со Марш на црвените чадори традиционално го одбележаа Меѓународниот ден за стоп на насилството врз сексуалните работнички, 17 Декември. Она што е поразлично од изминатите години е што годинава одбележуваат 15 353 денови до правда по донесувањето на пресудата на Граѓанскиот суд во нивна корист.
ИЗЈАВА НА ДЕНОТ
Филипов: Одлуката на ЕУ за Украина треба да биде отрезнувачка, ние не треба самите да си ставаме сопки
Одлуката на ЕУ експресно поради политичкиот контекст да одобри почнување на пристапни преговори со Украина треба да биде отрезнување за земјава дека ако можеби светот е подготвен да ни става сопки, ние не треба самите да си поставуваме сопки. Но, нема смисла за ново разочарување и жалење за можноста, треба да бараме нови можности во новонастанатите услови, вели амбасадорот и претседател на Советот на амбасадори Ѓорѓи Филипов.
ФЛЕШ ВЕСТИ
ВТОР ДЕН САМИТ НА ЕУ Шефовите на држави или влади на земјите членки на ЕУ денеска го продолжуваат дводневниот Самит на Унијата, во чии рамки вчера донесоа одлука за старт на преговорите за членство со Украина и Молдавија …
МУЛТИКУЛТУРА Претседателот Стево Пендаровски вчеравечер на покана на Еврејската заедница на Република Северна Македонија присуствувал на одбележувањето на еврејскиот празник Ханука…
ПРОЕКЦИЈА НА НАСЕЛЕНИА Потребата за решение е иста и за Фатмир и за Арта, Маја, Амра, Елвис“ рече вицепремиерот за економски прашања, Фатмир Битиќи на настан на Државен завод за статистика за проекција на население…
ДЕЦА СО ПОСЕБНИ ПОТРЕБИ “Парче од себе” е насловот на едукативниот проект, работилница со деца со посебни потреби што денеска во галеријата на култирниот комплекс “Мала станица” во Скопје …
ВОЈНА ВО УКРАИНА
Естонија испраќа нов пакет воена помош од 80 милиони евра за Украина, кој вклучува и противтенковски ракети Javelin, додека естонскиот и финскиот премиер побараа континуирана поддршка од ЕУ за Кијив…
Орбан сака да ја претвори Европската унија во пазар за да ја уништи., мора да биде запрен , изјави поранешниот министер за надворешни работи на Литванија, Линас Линкевичиус, на платформата…
Украина доби втор систем за противвоздушна одбрана „Патриот“ од Германија за да помогне во одбивањето на зголемените руски ракетни и беспилотни напади врз Киев и други градови
ДЕЗИНФОРМАЦИИ
„Политиката не бира средства, па дури и за вакви сензитивни теми, како што е убиството на Вања“, констатира Дехран Муратов, во серијалот „Ослободи го умот“, на кој се зборуваше за дезинформациите и политичката злоупотреба на убиството на Вања Ѓорчевска и пензионерот Панче Жежовски, за руските пропагандни наративи, како и за говорот на омразата кои ги идентификуваше Мониторинг тимот на ЦИВИЛ.
ПРОПАГАНДА
Доаѓањето на рускиот министер за надворешни работи Сергеј Лавров на самитот на ОБСЕ во Скопје, медиумите го претставија како „триумфално враќање на руската дипломатија во земјава“ и покрај политичката изолираност на која наиде, истакна Драган Мишев во серијалот на ЦИВИЛ „Ослободи го умот“.
АЛ-ПРЕС
Европскиот совет за бегалци и прогонети со седиште во Брисел, изрази резервираност во врска со голем број прашања што се претставени со членовите од договорот за емигранти Рама-Мелони, пишуваат албанските медиуми. Американскиот Стејт Департмент во својот периодичен извештај за Косово, меѓу другото, нагласи дека Русија влијаела на кризата и тензиите создадени на северот, известија косовски медиуми.
Ова се само дел од темите од редакцискиот избор на ЦИВИЛ Медиа од албанските медиуми во регионот, за денешното издание на АЛ- Прес.
ИНТЕРВЈУ
Во рамки на програмата„ Seeing is Believing“ за градење на јавното разбирање за НАТО и отпорноста на Балканот, група новинари од Северна Македонија и Црна Гора престојуваат во Талин, каде во рамките на посетата Цивил Медиа направи кратко видео интервју со ко-директорот на проектот, Едвард Џозеф, експерт за управување со конфликти со петнаесетгодишно искуство на терен, како и предавач и аналитичар за надворешна политика. Во неговите десетина години поминати на Балканот, тој служел за време на војните во секоја земја погодена од конфликтот, вклучително и на задачи во Босна, Косово и Македонија.
АНАЛИЗИ
ЦИВИЛ со внимание и загриженост ги следи настаните поврзани со инцидентот во општина Чашка, при што реагирала полицијата, кога група граѓани (на 13 ноември) се обидоа физички да ја нападнат, односно да ја линчуваат директорката на основното училиште „Тодор Јанев“, Елена Николова, бидејќи се против отворањето паралелка на албански јазик.
Веќе трета недела, учениците од македонска етничка припадност ја бојкотираат наставата, во знак на протест против одлуката на Министерството за образование да се отвори албанска паралелка.
На овој инцидент му претходеше еден потпалувачки говор на пратеникот Игор Здравковски од ВМРО-ДПМНЕ, како и низа други изјави од политичари и јавни личности, пишува Дехран Муратов во анализата „Случај „Чашка“: Екстремен национализам и потпалувачки говори, ВМРО-ДПМНЕ не одговара на новинарските прашања“.
СЛОБОДНА ЗОНА
Се интонира химната! Фудбалерите, но и навивачите со етничка албанска припадност заради почит гордо стоеја, но не ја пееја. Таа со ниеден збор не ги спомнува Албанците и нивниот придонес за државотворноста. Имаше и громогласен аплауз од целата публика, кога се истакнуваа имињата на фудбалерите, без разлика дали се Албанци или Македонци. Редок момент во земјата, кога граѓаните се едногласни. И ете пенал! Топката ја зеде Барди (Bardhi), шутираше и по првото бранење на англискиот голман, даде гол. Вистинска експлозија на целиот стадион. Славеа сите: Македонци и Албанци, муслимани, христијани и атеисти, вмровци, сдсмовци, дуиовци, алијансовци, бесатари, алтернативци, демократи, веројатно и „левичари“ (тие се најголемите десничари), пишува Сефер Тахири во колумната „Енис Барди (Bardhi)“
Не, не станува збор само за урбана мафија туку за политичка мафија бидејќи, просто, без политичка мафија е неможна било каква друга финансиска ли, шверцерска ли, нарко ли, урбана ли, мафија сеедно, па сега да не трагаме и да не бараме примарни виновници во некаква урбана мафија како, на пример, случајот со дивото уривање на уставно заштитениот објект Шара ан во Старата скопска чаршија, на тој споменик на култирата, нели, на културата, и пак, на културата нели, на тоа наше национално благо кое, соопштува обвинителството, се крчмело цели дваесет месеци, кое се масакрирало и се уривало сред бели денови и тоа онака со вандалска страст ќерамида по ќерамида, ѕид по ѕид…пишува Зоран Иванов по допрен глас во „ Злодело без казна“,
СТАВОВИ
„Национализмот е инфантилна работа. Тоа се мали сипаници на човештвото“. Ова не го кажал некој обичен смртник од ќошето на некоја чајџилница, пиејќи чај, додека ги гледа нашите стерилни телевизиски дебати кои се, всушност, медиумски шунд и кич, отколку што служат за јакнење на јавната свест и промовирање на цивилизациските вредности. Ова не го кажал ниту некојси политички профитер кој одлуките ги носи ad-hoc, како ќе му текне, ниту некој од тие на кои државата му го нема дадено заслуженото, па гневен решил да ја напушти, пишува Назми Абдурахмани во колуната „Кога лисјата паѓаат во Чашка“.
Подготви: Д. Мишев
