ТЕМА НА ДЕНОТ
ЦИВИЛ: Вербалните напади против медиумите е напад врз слободата на говорот!
„Цивил – Центар за слобода ги осудува сите облици на дискредитација на медиумите кои многу често потекнуваат од изјавите и однесувањето на дел од политичарите, во директна и индиректна форма. Со премногу леснотија, работата на медиумите се генерализира или се посочуваат одредени новинарски куќи или професионалци како непожелни или злонамерни. Дури и изјавите во кои политичарите индиректно осудуваат одредени медиуми, може да предизвика говор на омраза, па и насилство од нивните поддржувачи.“ се наведува во соопштението од ЦИВИЛ.
Новинарските здруженија и медиумите со осуда за дискредитацијата на медиумите од страна на политичарите
Лавина од реакции предизвика говорот на претседателот на Демократската унија за интеграција, Али Ахмети, кој на партиски настан, медиумите (Алфа и Телма) ги нарече непријатели на Албанците. На оваа изјава, но и на други примери од минатото, реагираше и ЦИВИЛ. Со реакции излегоа и ЗНМ, АВМУ, како и низа медиуми. Претседателот на ДУИ, Али Ахмети за време на говорот во Гостивар ги коментираше поделбите во партијата, и кажа дека овие поделби им служат само на непријателите на Албанците.
ИЗЈАВА НА ДЕНОТ
Петровска: Како земја покажавме дека сме навистина силен и оправдан сојузник на НАТО Алијансата
„Северна Македонија, особено Министерството за одбрана во овие моменти се покажа како навистина силен оправдан сојузник во НАТО Алијансата преку поддршката и политичка и неколкуте донации кои се состоеја од воена помош и поддршка со што сакавме да кажеме дека навистина сме на вистинската страна, изјави министерката за одбрана, Славјанка Петровска на мултимедијалниот и медиумскиот настан организиран од ЦИВИЛ и интегрираната редакција на ЦИВИЛ Медиа „Перспективи 2023“.
ВОЈНА ВО УКРАИНА
„Според анализата на Цивил и информациите до кои дојде од неколку извори во своите редовни комуникации со експерти, од повеќе области, домашни и странски, који ја следат состојбата со војната во Украина, можно е уште едно сценарио, а тоа е Путин да настојува на „Status quo“ на состојбата во Украина, со исцрпувачки позиционирани борби на линијата на фронтот, и уште по жестоки ракетни напади на русите врз критичната инфраструктура на Украина, надевајќи се на преговори под руски услови и со сегашниот распоредот на силите и освоените територии.“, извадок од анализата на ЦИВИЛ „Status quo, позиционирање за преговори и проширување на конфликтот како можно сценарио за текот на војната во Украина во 2023“.
Руската агресија врз Украина, која започна како „специјална операција“, и која, според пресметките на Кремљ требаше да трае од 48 до 72 часа, време доволно за руската војска да го заземе Кијив, влегува во втората календарска година. И во Новата година продолжија руските ракетни напади врз украинската критична инфраструктура во кои страдаат голем број цивили, како и жестоките борби околу Бахмут, и особено кај Соледар, каде борбите се водат буквално „гради в гради“. Неколку воени аналитичари за Би – Би – Си го искажаа своето согледување за тоа како мислат дека ќе се одвиваат настаните на теренот во 2023 година. Дали и како може да заврши војната оваа година – на бојното поле или на преговарачка маса? Или можеби ќе заврши до 2024 година?, извадок од анализата „ Војна во Украина: 5 + 1 сценарио според кое може да се одвива конфликтот во 2023 година“
ФЛЕШ ВЕСТИ
ПОСЕТА Шефот на македонската дипломатија и претседавач на ОБСЕ, Бујар Османи, утрово пристигна на Главната железничка станица во Кијив и ја почна посетата на Украина.
РЕАЛИЗАЦИЈА Минатата година биле реализирани речиси 90 проценти од предвидените капитални проекти, а вредноста на инвестициите на државата по тој основ во последните три години изнесува 1,1 милијарда евра, посочи премиерот Ковачевски.
ПОДДРШКА Северна Македонија како земја претседавач со ОБСЕ ќе се залага да најде начин повторно да ја врати Организацијата во Украина, порача денеска министерот за надворешни работи и претседавач на ОБСЕ, Бујар Османи, кој во рамки на денешната посета на Украина го посети Бородјанка во кијивската област, кој е силно погоден од воените дејствија.
ВОНРЕДЕН НАДЗОР Управата за извршување на санкциите на 13-ти овој месец спроведе вонреден стручен надзор во КПД Идризово со цел да се утврдат сите околности кои довеле до тоа да се случи бегството на осуденото лице Беким Мемети, информираат денеска од Министерството за правда.
СВЕТ
МАФИЈА Италијанските карабинери го уапсија најбараниот мафијашки бос во земјата, Матео Месина Денаро, јави италијанската новинска агенција АНСА.
ДАВОС Денеска почнува 53-от Светски економски форум во Давос, кој ќе трае до 20 јануари, и на кој ќе учествуваат рекорден број бизнисмени, претставници на најголемите светски компании, државни лидери и познати личности.
АВИОНСКА НЕСРЕЌА Спасувачките екипи ги пронашле двете црни кутии од патничкиот авион што се урна во близина на непалскиот град Похара, при што загинаа 68 патници, а уште четворица се водат како исчезнати во најсмртоносната авионска несреќа во земјата во последните 30 години.
АЛ-ПРЕС
Формирањето на Заедницата на српски општини во Косово и реакциите по ова прашање, одбележувањето 24 години од на масакрот во Речак, албанските мигранти во Британија и политичките изјави, како и последните изјави на лидерот на ДУИ, Али Ахмети, се теми кои преовладуваа и во текот на викендот и утрово во албанските медиуми во регионот. Овие теми се дел од изборот на редакцијата на ЦИВИЛ Медиа за денеска.
ИНТЕРВЈУ
Земон: Справувањето со создавање здрава животна средина е еден од поголемите предизвици на денешницата
ЦИВИЛ Медиа разговараше со директорот на Центарот за напредни истражувања г. Рубин Земон, по повод 11-та годишна конференција насловена „Предизвици на идентитетот, културното наследство, одржливиот развој или туризмот поврзани со нови кризи“, што ќе се одржи во Охрид на 18 и 19 јануари 2023 година.
СЛОБОДНА ЗОНА
2023 година: Осум сценарија за Северна Македонија
„Пред вас е кратката верзија од осум сценарија за Северна Македонија во 2023 година. Сите сценарија се засновани на лични перцепции и проценки, НЕ се врз основа на конкретни изјави и сознанија. Текстот е на места со намерни претерувања и сатира чија цел е да ги насмее, но и замисли читател(к)ите. Сепак, ниту едно сценарио не е невозможно. Дури и осмото.“, прочитајте 5 од 8-те „сценарија“ во последователните анализи од Џабир Дерала.
(2023) Сценарио 1/8: Радикализација на опозицијата, погрешни потези на социјалдемократите, вмровците победуваат на избори, но не составуваат влада
(2023) Сценарио 2/8: Бугарски синдром, шампита-пуч, политичко и законодавно лимбо
(2023) Сценарио 3/8: Ризик по опстанокот на државата
(2023) Сценарио 4/8: ВМРО-ДПМНЕ се распаѓа
(2023) Сценарио 5/8: Враќање на Груевски
„Дали ви е познато чувството кога се движите со автомобилот по угорница и одеднаш автомобилот губи сила, станувате свесни дека нема да можете да го искачите ридот, панично и беспомошно стискате на педалата за гас, но бесполезно, автомобилот не забрзува, и веќе чувствувате дека нешто ве влече назад, и дека нема да успеете да се искачите до врвот…“, извадок од Брза Пошта од Драган Мишев „Москвичот“ на Путин снемува гас“.
„Од сите досегашни високи НАТО функционеро, Путин придонесе најмногу за ширење на Алијансата, особено на Северот и Истокот на Европа, како и за збивање на редовите и јакнењето на (разнишаната) доверба помеѓу земјите- членки на Алијансата“, „Топ 5 професии кои би можел да ги работи Путин по (рас)паѓањето од власт“ во Озбилно од Драган Мишев.
„Гледаме како некое типче со „Газпром“ брендирана јакна го затвора вентилот и го запира гасот кон Европа и останатите западни земји и кај нив настапува долга и студена зима.
Ова е само едно повеќето видеа со сличен стил што ги избравме за оваа анализа со заедничка тема за енергетската криза со којашто ќе се соочат Европјани произведени во висококвалитетна, професионална продукција. Сите видеа имаат англиски преводи, што укажува дека се насочени кон странска публика.“, извадок од анализата „Бумерангот на руската пропаганда“, од Зоран Бојаровски.
Д. Тахири
